Tơdrong akŏm hơvơn đei jê̆ 500 'nu tang măt ăn dôm anih jang kơ Jơnŭm pơgơ̆r teh đak păng anih jang mŭk drăm kơ 2 teh đak vang akŏm. Thủ tướng Algeria bơnê kơ jơnŭm jang mŭk drăm, sơkơ̆t hơdah, 2 pah adoi oei lơ̆m khei năr tơplih jang mŭk drăm păng hơpơi 'meh hơtŏk jang hơdoi lơ̆m tơring; atŭm hăm noh hơpơi 'meh dôm tơmam drăm kơ Algeria nhen pơgang, phŏng rei, tơmam drăm đei pơm đơ̆ng hla 'long gô pơih să tĕch tơ̆ Việt Nam.

Pơma ah hop akŏm, Thủ tướng Phạm Minh Chính ră hơdah tơdrong kăp gĭt kơ jơhnơr hơrih đơ̆ng tơdrong hop akŏm đei pơgơ̆r đơ̆ng rŏng kơ 2 teh đak hơtŏk jang tơbôl kăp gĭt tôm tơdrong; sơkơ̆t hơdah mŭk drăm jang hơdoi đei pơih să lơ̆m rim tơdrong; akhan Việt Nam păng Algeria kăl pơtoi tơguăt tơguăl, hơtŏk tơ-iung kơyuơ tơdrong phĭ tơtŏ, dơnŏ 'lơ̆ng ăn kon pơlei.