VOV4.Bahnar - Kơ sơ̆ ‘năr 29/5, Thủ tướng teh đak Phạm Minh Chính păng Khŭl bơ̆ jang kơ Khŭl kơ dră teh đak đei jơ bơ̆ jang hăm Anih jang Đảng dêh char Sơn La găh pơ tôch hơ tŏk tơ iung mŭk drăm - tơ pôl, vei sơ đơ̆ng teh đak, pơ jing tơ drong jang chĭnh trĭ sơ năm 2021 păng dôm khei blŭng sơ năm 2022, trong vă jang, tơ drong jang tơ̆ hơ năp kơnh. Pơ ma tơ̆ jơ bơ̆ jang, Thủ tướng teh đak Phạm Minh Chính pôk pơ ư păng lăng ‘lơ̆ng pơ tôch mă Đảng bộ, khŭl kơ dră păng kon pơ lei Sơn La iŏk đei lơ̆m bơ̆ jang kiơ̆ hơ năp jang hơ tŏk tơ iung mŭk drăm - tơ pôl khei ‘năr âu ki, tơ gop lơ̆m tơ drong hơ tŏk tơ iung kơ lơ̆m teh đak.

Găh tơ drong jang pơ gơ̆r tơ̆ hơ năp kơnh, Thủ tướng Phạm Minh Chính athei hơ nơ̆ng vei kơ jăp, bơ̆ jang kiơ̆ kơ tang hrơ̆ch 1 ‘măng, đei yua tơ drong tơ chơ̆t hop akŏm XIII kơ Đảng, tơ chơ̆t tơ̆ hop akŏm Đảng bộ dêh char, dôm tơ drong tơ chơ̆t tơ drong jang kơ Trung ương, lơ̆m noh dôm tơ drong tơ chơ̆t vă jê̆ đei tơ lĕch ăn găh teh, găh choh jang sa, kon pơ lei jang chŭn mir păng găh mŭk drăm tơ pôl, tơ drong tơ chơ̆t đơ̆ng Anih tơm chĭnh trĭ găh trong vă jang hơ tŏk tơ iung mŭk drăm - tơ pôl, vei sơ đơ̆ng tơ ring tŏk bŏk păng tơ ring groi kông Bắc Bộ.

Thuem: Tơ blơ̆