VOV4.Bahnar - Lơ̆m ‘măng năm bơ̆ jang tơ̆ plt Cần Thơ, Thủ tướng Phạm Minh Chính păng Khul jang đơ̆ng Khul kơ dră tĕh đak truh hơ pong păng bơ̆ jang hăm kơ dră chĕp kơ̆l Công ty tơm pơm tơ lĕch unh điên 2, Grŭp jang unh điên Việt Nam. 

Đơ̆ng rŏng kơ mơ̆ng nơ̆r tơ roi găh tơ drong pơm tơ lĕch, tĕch mơ dro, tơ drong bơ̆ jang dôm tơ drong jang găh unh điên, Thủ tướng Phạm Minh Chính athei Công ty tơm tơ chĕng hơ len trong iŏk yoa dôm anih hlôi đei dang ei păng tơ lĕch jên răt kơ măy kơ mŏk ‘nao vă năm truh tơ drong ưh pă đei ăn kơ măy kơ dâu hăm ngar tơ mo. Tơ̆ hơ năp ning mônh, athei tơ chĕng hơ len iŏk yoa unh điên kial, unh điên măt ‘năr.

Găh dôm tơ drong jang tơ̆ Anih jang unh điên Ô Môn, Thủ tướng athei Anih tơm vei lăng jang kơ măy, tĕch mơ dro, Grŭp jang unh điên Việt Nam (EVN), Grŭp jang đak dâu Việt Nam (PVN) jang hơ doi jô̆ hơ len kơ sô̆ unh hơ yuh kăl đei tôch ai vă ăn dôm hnam kơ măy Ô Môn I, II, III, IV kơ dâu. 

Dơ̆ng: Tơ blơ̆