VOV4.Bahnar - ‘Năr 16/3, Thủ tướng Phạm Minh Chính bơ̆ jang hăm Grŭp jang Đak dâu teh đak Việt Nam (PVN) găh tơ drong bơ̆ jang sơ năm 2021, 2 khei blŭng sơ năm 2022 păng tơ lĕch trong jang sơ năm 2022. Pơ ma pơ tôch ‘măng hop akŏm, Thủ tướng Phạm Minh Chính pơ ma hơ dăh, Khŭl kơ dră teh đak, Thủ tướng teh đak kiơ̆ rim jơ hnơr adoi tôch kơ bơ ngơ̆t truh PVN vă grŭp jang hơ tŏk tơ iung sơ đơ̆ng, ‘lơ̆ng hơ iă păng roi ‘năr roi đei iŏk yua. Thủ tướng drơ̆ng lăp hăm dôm nơ̆r tơ lĕch, apĭnh đơ̆ng PVN tơ̆ jơ bơ̆ jang. Lơ̆m noh, đei dôm tơ drong hlôi păng tŏk bŏk hơ nơ̆ng đei hơ met pơ ‘lơ̆ng.

Hăm dôm tơ drong hlôi đei kơ dră gơ̆h kĭ ăn trong jang hơ met pơ ‘lơ̆ng, ‘noh PVN kăl kơ jang hơ dai kơ jăp hăm dôm anih tơm, anih jang hơ met pơ ‘lơ̆ng pơ tôch kiơ̆ trong jang mă hơ dăh. Thủ tướng athei kơ dră chĕp kơ̆l PVN pơ lung khŭl kang ƀô̆, bơ ngai jang hơ nơ̆ng 1 jơ hngơ̆m đon, hơ drin yak hloh mơ mat tat, long nol, kŭm hăm Đảng, teh đak păng Kon pơ lei hơ met pơ ‘lơ̆ng tơ drong gĭt kăl ‘noh jĭ vei sơ đơ̆ng hơ tŏ băl ŭnh hơ yuh pơ đĭ hloi ƀơ̆t măt păng đunh đai, tơ gop pơ jing mŭk drăm đei kơ dih.

Thuem: Tơ blơ̆