VOV4.Bahnar - ‘Năr 11/9, Thủ tướng Phạm Minh Chính đei jơ bơ̆ jang hăm Grŭp jang đak dâu tĕh đak Việt Nam. Tơ drong bơ̆ jang đei pơ gơ̆r trư̆k tuyê̆n tơ̆ Anih jang tơm kơ PVN tơ̆ Hà Nội tơ ƀưh hăm 13 anih pơih pơ dăh kơ Petrovietnam lơ̆m tĕh đak, dôm tơ drong jang đak dâu, hnam hơ drơ̆h tơ̆ đak dơ sĭ Việt Nam păng Liên bang Nga găh Petrovietnam.

Thủ tướng Phạm Minh Chính pơ ma lơ̆m jơ bơ̆ jang

Đơ̆ng rŏng mơ̆ng dôm nơ̆r pơ ma, iung pơ ma pơ tôch jơ bơ̆ jang, Thủ tướng Phạm Minh Chính pôk pơ ư đon pơ hnŏng, mĭnh jơ hngâm, gơ̆h hơ gei lơ̆m tơ drong jang xa, yak hlŏh dôm tơ drong mơ mat tat vă vei kơ jăp tơ drong jang tŏk đơ̆ng Grŭp jang. Thủ tướng pơ ma hơ dăh, roi mơ mat tat, pơ long nol, tơ drong jang roi trăp ‘nŏh roi athei mât 1 ƀơ̆r đon, mĭnh jơ hngâm, bơ̆ jang gơ̆h hơ gei, pơ̆n tơ chĕng pơ̆n jang yoa tơ drong đei yoa kơ tĕh đak, kơ hơ drĕch hơ drung. Tơ drong gĭt kăl ‘nŏh iĕm ưh gơ̆h lê̆ ưh kơ măh đak xăng đak dâu. Athei pơ jing Grŭp jang đak dâu jing grŭp jang mŭk drăm tih, pran, đei yoa, jing anih jang tơm lơ̆m tơ drong vei sơ đơ̆ng unh hơ yuh tĕh đak, tơ gop gĭt kăl, đei yoa ăn tơ drong jang hăm kơ măy kơ mŏk ‘nao kơ tĕh đak.

Dơ̆ng: Tơ blơ̆