VOV4.Bahnar - Pơ gê 28/8, Thủ tướng Phạm Minh Chính bơ̆ jang hăm Khul kơ dră chĕp kơ̆l đảng dêh char Lào Cai. Tơ roi lơ̆m jơ bơ̆ jang, Bí thư đảng dêh char Lào Cai Đặng Xuân Phong ăn tơ băt,  Lào Cai jĭ dêh char dơ̆ng hơ drol lơ̆m 14 dêh char găh tơ ring Tŏk bŏk jăl đak krong păng tơ ring groi kông găh Tu. Tơ drong jang tŏk mŭk drăm pran, hơ nơ̆ng, jô̆ păh lăp đơ̆ng 1991-2021 đei vă jê̆ 10% 1 sơ năm.

Jơ bơ̆ jang đơ̆ng Thủ tươ̆ng tĕh đak

Pơ ma lơ̆m jơ bơ̆ jang, Thủ tướng Phạm Minh Chính pơ ma hơ dăh, Lào Cai đei lơ tơ drong ‘lơ̆ng, mă lei kŭm đei lơ tơ drong tam mă pran, tam mă hơ iă ‘năi nhen: Tơ drong jang mŭk drăm oei iĕ; tơ drong jang tŏk tam mă kơ jăp; krao akŏm jên tơ mât jang tam mă pran;

Thủ tướng athei dêh char kơ chăng păng jang tŏk hrĕnh hlŏh dơ̆ng, kơ jăp hlŏh dơ̆ng; vei lăng ‘lơ̆ng tơ drong sơ đơ̆ng tĕh đak, vei kơ jăp tơ drong sơ đơ̆ng tơ̆ tơ ring sơ lam hiôk hian, boăl juăt, jang xa hơ doi vang tưk tơ iung hlŏh dơ̆ng tơ dỏng pơ vei ‘lơ̆ng hơ iă đơ̆ng sơ̆ kơ 2 tĕh đak, 2 hơ drĕch hơ drung Việt Nam păng Trung Quốc; pơ jing anih tơ jră tang găn kơ jăp ‘lơ̆ng găh tơ drong sơ đơ̆ng, pơ jing tơ ring jang hơ doi păng pơ jei băl găh mŭk drăm tôm tơ drong lăp hăm yăn âu păng đei yoa.

Dơ̆ng: Tơ blơ̆