VOV4.Bahnar - Kơ sơ̆ 8/5, Thủ tướng Phạm Minh Chính bơ̆ jang hăm Khul kơ dră chĕp kơ̆l đảng dêh char Thái Bình. Tơ̆ jơ bơ̆ jang, Thủ tướng chih răk păng tơ chĕng ‘lơ̆ng tơ drong tơ lĕch jang kiơ̆ tơ drong Tơ chơ̆t đơ̆ng hop akŏm mă XIII kơ Đảng đơ̆ng Đảng ƀô̆, khul linh păng kon pơ lei Thái Bình; dêh char chih tơ lĕch tôch rơ đăh dôm tơ drong jang kiơ̆ tơ drong tơ chơ̆t đơ̆ng Hop akŏm Đảng ƀô̆ dêh char ‘măng mă XX; tơ lĕch dôm tơ drong tơ chơ̆t đơ̆ng Trung ương, Kuô̆k hô̆i, Khul kơ dră tĕh đak.

Tơ̆ hơ năp kơnh, Thủ tướng Phạm Minh Chính hơ pơi ‘mĕh Thái Bình jang tŏk pran, tôm tơ drong, kơ jăp hlŏh dơ̆ng; iŏk yoa jô̆ păh lăp kiơ̆ kơ̆l bơ ngai lơ hlŏh dơ̆ng. ‘Mĕh thoi nŏh, dêh char athei băt hơ dăh anih dơ̆ng đơ̆ng kơ dih ƀât tŏk bŏk tơ ring tĕh tơ măn đak krong Hồng, đei lơ tơ drong ‘lơ̆ng găh kon bơ ngai, tơ drong juăt đơ̆ng sơ̆... kăl đei iŏk yoa pơ đĭ. Athei tơ lĕch jang kiơ̆ tơ drong tơ chơ̆t đơ̆ng Hop akŏm mă XIII kơ Đảng lăp hăm rim tơ drong đei tơ̆ dêh char, pơ gơ̆r jang ‘lơ̆ng dôm tơ drong tơ chơ̆t đơ̆ng Kuô̆k hô̆i, Khul kơ dră tĕh đak vă jang atŏk tơ iung dêh char lơ̆m chăl ‘nao.

Dơ̆ng: Tơ blơ̆