VOV4.Bahnar - Kơ sơ̆ ‘năr 26/6, Thủ tướng Phạm Minh Chính păng Khŭl bơ̆ jang kơ Khŭl kơ dră teh đak hlôi đei jơ bơ̆ jang hăm khŭl kơ dră chĕp kơ̆l pơ lei tơm Đà Nẵng. Thủ tướng chih iŏk, lăng ‘lơ̆ng păng pôk pơ ư tơ drong hơ drin păng dôm jơ nei gĭt kăl mă Đảng bộ, khŭl kơ dră, linh păng kon pơ lei pơ lei tơm Đà Nẵng hlôi iŏk đei, tơ gop gĭt kăl lơ̆m jơ nei atŭm kơ lơ̆m teh đak, mă loi ‘noh lơ̆m tang găn, vei lăng jĭ hơ buh păng tơ iung ming, hơ tŏk tơ iung mŭk drăm tơ pôl.

Thủ tướng Phạm Minh Chính bơ̆ jang hăm khŭl kơ dră chĕp kơ̆l pơ lei tơm Đà Nẵng

Tơ̆ hơ năp kơnh, Thủ tướng athei: pơ lei tơm Đà Nẵng hơ nơ̆ng vei sơ đơ̆ng bơ ngai jang păng tơ mam drăm, kơ măy kơ mŏk pơ gang vă bơ̆ jang kiơ̆ hơ năp jang pơ gang lơ̆m tơ ring; ƀet vắc xin ăn hơ ioh hơ la kơ 5 sơ năm sơ đơ̆ng ‘lơ̆ng đei yua. Pơ gơ̆r jang kiơ̆ tơ păt, đei yua kiơ̆ tơ drong Tơ chơ̆t kơ sô̆ 43-NQ/TW đơ̆ng Anih tơm Chĭnh trĭ găh pơ jing păng hơ tŏk tơ iung pơ lei tơm Đà Nẵng truh sơ năm 2030 păng tơ drong tơ chơ̆t kơ sô̆ 119/2020/QH14 đơ̆ng Kuôk hô̆i găh pơ long lăng pơ gơ̆r tơ drong jang khŭl kơ dră anih kơ drơ̆m păng 1,2 trong jang tơ gŭm hơ drô̆ vă pơm pơm tơ drong ‘lơ̆ng hơ tŏk tơ iung ‘nao.

Thuem: Tơ blơ̆