VOV4.Bahnar - ‘Năr 12/7, Thủ tướng Phạm Minh Chính hlôi pơ gơ̆r jơ bơ̆ jang hăm Kơ dră Đảng grŭp anih jang mơ dro sa Trung ương. Pơ tôch jơ bơ̆ jang, Thủ tướng hlôi tơ ƀôh hơ dăh dôm jơ nei iŏk đei, dôm tơ drong oei đei, ưh kơ ‘lơ̆ng, tơ hlăk tơ hlĭn lơ̆m ‘noh pơ ma hơ dăh, hơ năp chông trong, pơm tơ drong ‘lơ̆ng, pơ̆ih trong, pơ trŭt dôm khŭl jang mŭk drăm nai đơ̆ng kơ dră Đảng grŭp tam mă đei hơ tŏk jang rơ đăh. Thủ tướng athei rim anih jang mơ dro sa teh đak athei tơ gop gĭt kăl lơ̆m pơ jing mŭk drăm kơ dih,pơm tơm kơ dih, kơ chăng, hơ drin mơ̆t jang hơ dai mŭk drăm jrŭ să, tơ gop sơ đơ̆ng mŭk drăm tih. Athei bơ̆ jang tơ păt ki luơ̆t, tơ drong jang hành chính lơ̆m vei lăng pơm tơ lĕch, tĕch mơ dro, hơ tŏk loi dơ̆ng tơ drong jang vei lăng, dăr lăng kơ dră đảng, anih jang Đảng. Thủ tướng athei, hơ nơ̆ng tơ chĕng hơ len hơ met tôm bơ ngai jang lơ̆m anih jang mơ dro sa teh đak hơ gei, đei yua, tŏ sĕt bơ ngai, tơ chĕng hơ len trong jang tơ gŭm, vei lăng kang ƀô̆ pơ̆n tơ chĕng pơ̆n jang.

Thuem: Tơ blơ̆