VOV4.Bahnar - Đơ̆ng rŏng kơ hơ len lăng yan âu tơ̆ 1,2 tơ ring, tơ drong jang tơm, pơ gê ‘năr 13/3 Thủ tướng Phạm Minh Chính păng khŭl bơ̆ jang kơ Khŭl kơ dră teh đak hlôi bơ̆ jang hăm kơ dră chĕp kơ̆l dơ nơm dêh char Khánh Hòa. Kơ dră chĕp kơ̆l dôm anih tơm, anih jang Trung ương akhan, dêh char Khánh Hòa jĭ tơ ring đei anih gĭt kăl păng đei tơ mam ‘lơ̆ng, đei yua tih hơ tŏk tơ iung mŭk drăm - tơ pôl tơ̆ tơ ring pơ băh tŏk bŏk păng Tây Nguyên, mă lei tam mă tơ gĕch iŏk yua đei tơ mam ‘lơ̆ng, tơ drong pran vă hơ tŏk tơ iung.

Jơ bơ̆ jang

Pơ ma pơ tôch, Thủ tướng teh đak Phạm Minh Chính pơ ma hơ dăh, Khánh Hòa đei anih bơ̆ jang gĭt kăl lơ̆m hơ tŏk tơ iung mŭk drăm tơ pôl păng vei sơ đơ̆ng teh đak, Khánh Hoà kăl kơ vei kơ jăp, tơ lĕch jang kiơ̆ đei yua tơ drong tơ chơ̆t Hop akŏm XIII kơ Đảng păng tơ chơ̆t Đảng bộ dêh char; tơ mơ̆t yua, jang kiơ̆ trong jang đơ̆ng Đảng, trong jang tơ gŭm khôi luơ̆t đơ̆ng teh đak, tơ drong pơ gơ̆r vei lăng đơ̆ng Khŭl kơ dră teh đak. Khánh Hoà kăl hơ tŏk pran kơ tang jơ hngơ̆m đon tơ goăt tơ goăl, jang drin kơ dih; hơ tŏk loi dơ̆ng klăih song tơ ring, gơh jang, kơ dih jang tơ năp yak hơ dai hăm hơ len lăng, dăr lăng, vei lăng tơ drong chĕp kơ̆l; đei trong jang hơ len lăng, dăr lăng đei yua tơ drong tơ lĕch jang đơ̆ng rim tơ ring.

Thuem: Tơ blơ̆