Lơ̆m bơ̆ jang tơ̆ Vĩnh Long vang tơbăt 100 sơnăm Năr rơnĕh Thủ tướng so Võ Văn Kiệt, kơsơ̆ năr 23/11, Thủ tướng tĕh đak Phạm Minh Chính bơ̆ jang hăm Khŭl kơdră chĕp pơgơ̆r Đảng dêh char Vĩnh Long găh tơdrong jang mŭk drăm-tơpôl sơnăm 2022, trong iung jang lơ̆m sơnăm 2023.

Iung pơma pơtôch jơ bơ̆ jang, Thủ tướng hơlen hơdăh dôm tơdrong đei jơnei, tơdrong jang tim mă keh đang, ‘moi kiơ̆ đơ̆ng nŏh, Thủ tướng hlôi tơƀô̆h hơdăh trong chĕp pơgơ̆r păng rim tơdrong jang lơ̆m khei năr kơnh. Kiơ̆ kơ ‘nŏh, Thủ tướng athei, dêh char Vĩnh Long hơnơ̆ng tơlĕch jang keh đang Tơdrong tơchơ̆t Pơm lêh hop akom mă XIII kơ Đảng; Tơdrong tơchơ̆t kơsô̆ 13 kơ Trung ương găh atŏk tơ iung mŭk drăm-tơpôl, vei lăng sơđơ̆ng tĕh đak, sơđơ̆ng tơring Tơmăn đak kroong Cửu Long; Tơdrong tơchơ̆t 120 đơ̆ng Khŭl kơdră tĕh đak găh atŏk tơ iung kơjap ‘lơ̆ng tơring Tơmăn đak kroong Cửu Long trŏ lăp hăm tơplĭh tŏ ‘mi kial păng Tơdrong tơchơ̆t Pơm lêh hop akŏm Đảng dêh char. Tơlĕch jang kiơ̆ ƀlep trong bơ̆ jang đơ̆ng Đảng, Tĕh đak păng tơdrong chĕp pơgơ̆r đơ̆ng Khŭl kơdră Tĕh đak, Thủ tướng Tĕh đak.