Tơ̆ 'Măng xơlam apŭng plenh teh Tà Lùng, apŭng Quảng Hòa, Thủ tướng Phạm Minh Chính hlôi tơmơ̆ng Ƀĭ thư tĭnh ủy Cao Bằng Trần Hồng Minh tơroi găh pơkăp, xơkơ̆t tơdrong hơtŏk Tơring mŭk drăm 'Măng xơlam teh Cao Bằng. Kiơ̆ pơkăp, Tơring Mŭk drăm 'măng xơlam teh dêh char Cao Bằng đei minh păh dăh mă tôm hơgăt teh kơ 31 xăh păng 3 thĭ trâ̆n xơlam teh (đơ̆ng xăh Cần Nông, apŭng Hà Quảng truh xăh Đức Long, apŭng Thạch An).

Thủ tướng ră hơdăh, Tơring mŭk drăm 'Măng xơlam teh kơ Cao Bằng hlôi đei kĭ pơkăp ăh khei 3/2022, âu jing tơdrong tơm vă hơtŏk tơ-iung 'nao kơ dêh char Cao Bằng. Vă jang đei tơdrong âu, Thủ tướng pơkăl dêh char tơlĕch minh ƀar xơnong jang nhen pơtoi kơchăng pơjing trong xơlam teh rơngei, tơbôl, jang hadoi, hơtŏk tơ-iung  Việt Nam - Trung Quốc.

Kơsơ̆ năr 16 /1, Thủ tướng Phạm Minh Chính atŭm hăm khul kơpal kơ teh đak bơ̆ jang hăm khul kơpal dêh char Cao Bằng.