Tơ̆ ‘măng hop akŏm, Anih tơm vei lăng găh Trong nơnăm gre kơdâu hlôi roi tơbăt găh tơdrong tơlĕch jang tơdrong jang pơm trong gre kơdâu hrĕnh Cần Thơ - Cà Mau trong đơ̆ng Hậu Giang - Cà Mau, dôm anih jang tơroi tơbăt găh tơdrong jang; tơdrong hiôk, mơmat tat, tơhlăk tơhlĭn, pơjing trong tơlĕch jang vei sơđơ̆ng jang đang lơ̆m sơnăm 2025, hơdrin hrôih hloh trong tơlĕch jang.

Pơma tơ̆ jơ hop akŏm hăm kơdră chĕp kơ̆l dôm anih jang kơpal, dôm tơring, Thủ tướng athei akŏm pơma dơnuh găh dôm tơdong tơm, lơ̆m noh; lăng dơ̆ng kơdră đảng, kơdră tơring hlôi mơ̆t jang pran kơtang ưh; găh tơmam chuơh, hơga chư klơ̆p; tơmo iĕ oei tơhlak tơhlĭn tơ̆ yơ, păng pơma dơnuh lăng pơm kơjung trong đơ̆ng Cà Mau truh teh tôch; Kŭm hăm ‘noh pơma dơnuh găh tơdrong jang hơdai đơ̆ng dôm dêh char lơ̆m pơtruh tơmma, chuơh hơga... Pơtôch, Thủ tướng Phạm Minh Chính tơroi dơ̆ng Tơmăn đak krong Cử Long đei 2 hơnih kơchĭl găh trong nơnăm păng bơngai jang. Đảng, teh đak tôch kơ bơngơ̆t truh tơdrong hơmet pơ ‘lơ̆ng. Kiơ̆ trong proh hơmet jang, truh sơnăm 2030, Tơmăn đak krong Cửu Long đei 1.200 km trong gre kơdâu hrĕnh, athei khŏm jang mă đei tơdrong hơgăt ‘nâu.