VOV4.Bahnar - Kơ sơ̆ 15/7, Thủ tướng Phạm Minh Chính truh sŏh nhang tơ̆ Anih soi kơ kŭh kơ Ƀok Hô păng sŏh nhang ƀlŏk hơ dơ̆r đe linh kơ tang nuih mơng lôch dŏng tĕh đak tơ̆ xăh Hiệp Hưng, apŭng Phục Hiệp, dêh char Hậu Giang. Đơ̆ng rŏng kơ ‘nŏh, Thủ tướng păng khul jang năm dăr lăng tơ̆ Anih vei lăng bri brăh lơ̆m krơ̆p Lung Ngọc Hoàng găh apŭng Phụng Hiệp. Anih vei lăng bri brăh krơ̆p Lung Ngọc Hoàng – anih đei lơ kơ loăi ‘long hlŏh lơ̆m tĕh đak hrei ‘nâu, đei pơ ư jĭ hla tơ sŏh rơ gŏh ‘lơ̆ng kơ tơ ring tĕh tơ măn Đak krong Cửu Long.

Thủ tướng dăr lăng Anih vei lăng bri brăh ‘lơ̆ng hơ iă Lung Ngọc Hoàng

Đơ̆ng rŏng mơ̆ng nơ̆r tơ roi păng năm dăr lăng, Thủ tướng athei dêh char chă anih tơ mât jên jang mă pran, jang hơ gei vă iŏk yoa pơ đĭ dôm tơ drong ‘lơ̆ng đơ̆ng bri brăh tơ̆ âu tưk tơ iung tơ drong chă tơ mang lăng tơ̆ dôm tơ ring kiơ̆ khôi luơ̆t tĕh đak. Khul kơ dră dôm tơ ring krao hơ vơn kon pơ lei vang jang ‘lơ̆ng tơ drong vei lăng cham char bri brăh, vei lăng sem tơ rong kăp gĭt tơ̆ âu.

Dơ̆ng: Tơ blơ̆