Jăl trong gre kơdâu hrĕnh Bắc - Nam găh Hơlĕch jăl 1 (2017-2020) kơjung 652,86 km đei klăih song jing 11 tơdrong jang (3 tơdrong jang tơmât jên jang hơdoi đơ̆ng tĕh đak hăm kon pơlei PPP păng 8 tơdrong jang yoa tĕh đak tơmât jên jang). Lơ̆m nŏh, tơdrong jang pơm trong gre kơdâu hrĕnh Nha Trang - Cam Lâm kơjung hlŏh 49km, năm klĕch apŭng Diên Khánh, Cam Lâm păng plt Cam Ranh (dêh char Khánh Hòa). Tơdrong jang âu đei jên jang loi 7.600 ti, lơ̆m nŏh jên tĕh đak dang 2.967 ti.

Năm ‘moi kiơ̆ trong gre, Thủ tướng chơt hơ iă mưh ƀôh trong oei vă pơm đang, lơ jăl jang kĕh bơih. Tơ̆ anih pơm trong, Thủ tướng pôk pơ ư dôm anih jang, khul grup, kăn ƀô̆, công nhân bơ̆ jang tôch tơ năp "jang klĕch năr têt". Thủ tướng athei dôm anih jang jăh tơ gĕch ƀât ‘năr tŏ hơ lăng vă pơ gơ̆r bơ̆ jang "3 ka 4 kip"; ming man athei kơ jăp ‘lơ̆ng, trŏ năr hơ găt, lăp hăm ki thuơ̆t, ‘lơ̆ng păng vei rơ gŏh cham char, ưh đei hơ tŏk jên jang kư̆ kă, vei lăng sơ đơ̆ng ăn công nhân bơ̆ jang păng kon pơ lei, tang găn tơ drong pơm glăi, xa pơ jĭp, brăh brư.