Tơdrong vă jang ming man Cham gre păr Apung plĕnh teh Long Thành ‘noh tơdrong vă jang cham gre păr să hloh kơ teh đak bơ̆n đơ̆ng sơ̆ truh dang ei. Hrei ou, tơdrong ming man tŏk bok đei Hơnih tơm Kŏng ty Cham gre păr Việt Nam atŏk kơtang iung jang kiơ̆ ƀlep nơ̆r pơrô̆ jang đơ̆ng Khul kơdră Teh đak sơđơ̆ng jang keh đang păng tơmơ̆t iŏk yua hơdrol năr 2/9/2026. ‘Nou ‘măng mă 5, Thủ tướng Phạm Minh Chính năm dăr lăng hơnih ming man cham gre păr Long Thành. Tơ̆ hơnih ming man, Thủ tướng hlôi năm dăr lăng tơdrong ming man. Trong tơlĕch jang hơtuch sơnăm 2025 rim tơdrong jang ming man kăl iung jang keh đang păng hơtuch khei 2 sơnăm 2026 kăl iung jang hloi cham gre păr ou. Thủ tướng athei, hơnih ming man kăl jang keh đang ƀlep tơchơ̆t, kơjăp ‘lơ̆ng, sơđơ̆ng bơ̆ jang, kăl “ưh kơ mơ̆ng tŏ sa, ‘mi tôn”, “sŏng tơgĕch, tep kơne”, jang ming man prăt năr lêh têt vă keh đang ƀlep trong tơlĕch jang.