Ƀlep lơ̆m jơ ‘năr au, tang măt ăn Kơdră chĕp pơgơ̆r Đảng, Tĕh đak păng kon pơlei Việt Nam, Thủ tướng hmach bơnê rim Kơdră tang măt Tĕh đak, Bơngai tang măt, Kơdră tang măt ăn rim Hơnĭh jang apŭng plenh teh tơ̆ Việt Nam păng pơtrŭh nơ̆r hmach bơnê kơtang trŭh hăm Khul kơdră chĕp pơgơ̆r păng kon pơlei rim teh đak, rim hơnĭh jang apŭng plĕnh tĕh hơnơ̆ng ‘măn jơhngơ̆m đon, tơgŭm djru gĭt kăl ăn kơ Việt Nam lơ̆m khei năr au ki.

Thủ tướng ‘mĕh vă păng lui rim Kơdră tang măt Tĕh đak, Bơngai tang măt, kơdră tang măt rim hơnĭh jang apŭng plĕnh teh tơ̆ Việt Nam gô hơnơ̆ng jang ‘lơ̆ng hlŏh dơ̆ng hơnăp jang gơng tơrŏh klŏh klĕch, pơm kơtang hlŏh dơ̆ng tơdrong tơgoăt tơgoăl dĭh băl ƀar păh Việt Nam hăm rim teh đak, vă hơnhăk Việt Nam yak tơjê̆ hlŏh dơ̆ng hăm apŭng plĕnh teh păng ba apŭng plĕnh tĕh yak tơjê̆ hăm Việt Nam.