Tơƀôh đon sơ ‘ngon hơdai hăm kơtum kơtŏng ‘nhŏng oh kơ dôm unh hnam đei bơngai lôch răm, hiong hơkâu, Thủ tướng tơƀôh jơhngâm đon mơnat hăm kon pơlei tơ̆ tơring hiong răm. Thủ tướng athei dôm anih tơm, anih jang kơpal jang hơdoi mă kơjăp hăm khul kơdră tơring vă hơtŏk hrĕnh tơdrong jang hơmet pơ ‘lơ̆ng hiong răm, ưh gơ̆h lê̆ kon pơlei pơngot rơvĕt, ưh kơmăh pơgang, đak yoa păng tơdrong jĭ tơpŏh đơ̆ng rŏng kơ đak lip.

Dôm anih teh hơlih găn trong gre athei jăh hơmet pơ ‘lơ̆ng, pôk rĭ kon pơlei năm tơ̆ anih sơđơ̆ng. Athei tơiung ming dơ̆ng tơdrong choh jang xa. Dôm hnam trưng hiong răm kŭm jăh hơmet ming ‘năi vă ăn kon mon adrol kơ mât hŏk kơ sơnăm hŏk ‘nao truh. Dôm hnam pơgang, anih khăm hơmet jĭ ăn kon pơlei tơdăh ƀơm ưh ‘lơ̆ng kŭm jăh hơmet ming mă tơtom hai.