Thủ tướng athei Lạng Sơn năm hơdrol lơ̆m tơdrong man ‘măng jang sơlam rơgei tơ̆ ‘Măng jang tơm Hữu Nghị hăm 14 tŏ trong gre păng đơ̆ng rŏng kơ ‘nŏh hơnơ̆ng pơih xă tơ̆ dôm ‘măng jang sơlam, tơring nai dơ̆ng; kơdră chĕp kơ̆l dôm tơring adrin pơma nuh hăm Trung Quốc vă tơlĕch jang kiơ̆ tơdrong drơ̆ng nơ̆r hlôi iŏk đei đơ̆ng kơdră chĕp kơ̆l 2 teh đak.

Anih tơm vei lăng jên hu hơmet tôm jên ăn tơdrong jang man ‘măng jang sơlam rơgei đơ̆ng Lạng Sơn hăm Quảng Tây (Trung Quốc); dôm anih jang kơpal adrin vang jang, bơ̆ jang đĭ jơhngâm. Thủ tướng pơma hơdăh Lạng Sơn athei jang ‘lơ̆ng tơdrong vei lăng sơđơ̆ng teh đak, hơtŏk tơdrong jang tơbôl, tưk tơiung tơdrong tĕch mơdro, hơtŏk đei yoa mưh bơ̆jang kiơ̆ luơ̆t tơ̆ tơring sơlam, ‘măng jang sơlam, pơjing trong sơlam rơngei hiôk hian, tơbôl, jang hơdoi păng jang tŏk.