Chơt hơ iă tơ̆ hơnăp tơdrong atŏk tơ iung lơ̆m tơgoăt jang hơdoi mŭk drăm- mơdro sa hăm iŏk đei tĕch mơdro dih băl truh 7 ti dolar păng hơlen tơdrong gơh jang hơdoi kơ ƀar teh đak oei tôch kơ lơ, Thủ tướng Phạm Minh Chính athei, Kon tơdăm Ƀok pơtao Sheikh Sabah Khaled Al-Hamad Al-Sabah lăng ba kơjăp hloh dơ̆ng pơrô̆ pơtrŭt kơtang jang hơdoi lơ̆m rim tơdrong jang mŭk drăm-mơdro sa-tơmơt jên jang, ŭnh hơyuh, đak xăng đak dou, vei lăng sơđơ̆ng teh đak, khoa hŏk kmăi kmŏk, tơplih ‘nao tơchăr, tơplih kơsô̆, bơngai jang păng pơtho pơhrăm. Tơ̆ jơ năm ngôi hăm Thủ tướng Kuwait, Thủ tướng Phạm Minh Chính sơkơ̆t hơdăh, hăm tơdrong gơ̆h jang păng hơnih dơ̆ng ‘nao, Việt Nam gô jing teh đak jang hơdoi ‘lơ̆ng hơ iă păng kơjăp ‘lơ̆ng hloh lơ̆m trong jang atŏk tơ iung mŭk drăm kơ Kuwait, mă kăl lơ̆m rim tơdrong jang ŭnh hơyuh, kmăi kmŏk, tĕch răt, tơmơ̆t jên jang păng bơ̆ jang jên hu.