VOV4.Bahnar - Gơ măng ‘năr 28/6, tơ̆ Hà Nội, Thủ tướng Phạm Minh Chính hlôi vang truh pơ ma kơ tă lơ̆m ti vi “ Tơ drong hơ pơi ‘meh đak dơ sĭ rơ goh” ƀlep ƀơ̆t năr “ Đak dơ sĭ apŭng plĕnh teh” kơ Liên Hợp Quốc, giĕng lêh Đak dơ sĭ kơ Việt Nam. Thủ tướng Phạm Minh Chính pơ ma hơ dăh, jĭ 1 teh đak đak dơ sĭ đei ƀơm ưh kơ ‘lơ̆ng kơ tang yua đơ̆ng tơ plih tŏ ‘mi kial păng đak dơ sĭ tŏk, Việt Nam hlôi păng tŏk bŏk tơ ƀôh đon hơ drin kơ tang vang tơ gŭm hăm tơ pôl apŭng plĕnh teh yak truh đak dơ sĭ rơ goh, plei teh rơ goh, rơ ngei, sơ đơ̆ng păng vang hơ tŏk tơ iung hơ nŭk hơ noa, hơ drin bơ̆ jang, lui yom păng pơm kiơ̆ khôi luơ̆t apŭng plĕnh teh; kơ chăng vang jang dôm trong jang 2 pang păng lơ pang; hơ drin pơ trŭt dôm tơ drong jang hơ dai tơ ring, apŭng plĕnh teh đak păng đak dơ sĭ”.

Thủ tướng Phạm Minh Chính iung pơ ma tơ̆ tơ̆ drong jang

Ƀlep lơ̆m ‘măng âu, Thủ tướng ‘meh vă hơ nơ̆ng iŏk đei tơ drong jang hơ dai, tơ gŭm đei yua găh đak dơ sĭ đơ̆ng dôm grŭp jang apŭng plĕnh teh, dôm teh đak jang hơ dai hơ tŏk tơ iung.

Thuem: Tơ blơ̆