Ƀơ̆t tơbăt 40 xơnăm Năr bơngai pơtho Việt Nam păng 120 xơnăm 'năr tơ iung pơjing hnam trưng Đăi hŏk Y Hà Nội, tang măt ăn đe Kơdră Đảng, Khul Kơpal teh đak, Thủ tướng Phạm Minh Chính pơtruh hăm dôm hnưr kơdră kơpal, kang ƀô̆, bơngai pơtho, bơngai hŏk, sinh viên tơ̆ Hnam trưng Đăi hŏk Y Hà Nội păng khul kơpal tang măt nơ̆r thơ thâu kăp gĭt 'lơ̆ng rŏ hloh. Thủ tướng ră hơdăh, dang ei tơdrong kăl găh y tê̆, vei lăng jơhngơ̆m jăn kon pơlei roi năr roi kơjung, mă kăl lơ̆m khei năr pơrang jĭ COVID-19 oei hơbuh hli hlơt păng đei lơ tơdrong jĭ 'nao.

Tơdrong đei ƀôh tơ̆ kơpal tơlĕch ăn anih jang y tê̆ pơma atŭm păng Hnam trưng Đăi hŏk Y  Hà Nội pơma adrô̆ đei dôm xơnong jang trăp trĭn hloh mă lei adoi nuih mơng hloh. Hơtŏk hơmet pơ 'lơ̆ng tơdrong tơguăt tơguăl, drơ̆ng minh; pơjing Đảng ƀô̆ Hnam trưng hlăng 'lơ̆ng, kơjăp kơtang; hơtŏk tơdrong pơgơ̆r, tơdrong tơjră kơnê̆ đơ̆ng dôm anih jang đảng păng đảng viên.