Tơdrong jang pơm Cham gre păr Apŭng plĕnh teh Long Thành đei jên tơmơ̆t jang 22.856 ti hlak jên. Hăm tơdrong pơgơ̆r kơtang đơ̆ng Thủ tướng teh đak, tơdrong mơ̆t jang hơdrin đơ̆ng dôm anih tơm, anih jang, tơring, dôm anih jang ƀơm truh păng tơdrong kơchăng, kơtang đơ̆ng Kŏng ti tơm jang găh Cham gre păr Việt Nam (ACV), mă loi ‘noh jĭ jang kiơ̆ athei đơ̆ng Thủ tướng teh đak băt hơdăh “sơnăm 2024 jĭ sơnăm jang tŏk, sơnăm 2025 jĭ sơnăm hơtŏk tơiung ‘lơ̆ng”, tơdrong tơlĕch jang kiơ̆ tơdrong jang iŏk đei lơ jơnei tôch kơ ‘lơ̆ng.

Thủ tướng athei tơlĕch jang tơdrong pơjei băl 450 măng năr tơ̆ hơnih jang, hơnhăk tơdrong jang bơ̆jang đang lơ̆m ‘năr 31/12/2025. Thủ tướng athei dôm anih iŏk jang pơm Cham gre păr Apŭng plĕnh teh Long Thành păng trong gre kơdâu hrĕnh Biên Hoà-Vũng Tàu hơtŏk jang hrĕnh, tŭn hrĕnh hloh dơ̆ng vă jang ‘mong ăn khei ‘năr hlôi hiơ̆ hơdrol ki.