Thủ tướng Phạm Minh Chính năm hop akŏm păng pơma pơgơ̆r Hop akŏm. Tang măt ăn Khul kơpal Đảng, Khul Kơpal teh đak, Thủ tướng teh đak bơ̆n Phạm Minh Chính xơkơ̆t, pôk bơnê kơ dôm tơdrong adrin kơ 'nôh đei jơnei kăp gĭt, tơgop tih tên đơ̆ng khul Kŏng ang kon pơlei hăm tơdrong jang đei jơnei atŭm kơ teh đak lơ̆m xơnăm 2022.

Khei năr truh, Thủ tướng teh đak bơ̆n Phạm Minh Chính pơkăl khul Kŏng ang kon pơlei pơtoi băt hơdăh, tơblang, xơkơ̆t tơnăp, trŏ tơdrong đei ƀôh; kơchăng tơgŭm pơtruh nơ̆r hăm Đảng, Khul Kơpal teh đak găh dôm trong pơkăp jang, trong jang vei xơđơ̆ng tơpôl kơ teh đak, vei xơđơ̆ng tơring tơrang; hơtŏk vei xơđơ̆ng tơpôl, tang găn đơ̆ng hrôih, đơ̆ng ataih tơdrong tơgar pơm tơxŭl tơxăl tơpôl teh đak, tơjră tenh hăm dôm tơdrong pơjuă găh xơđơ̆ng tơpôl ưh kơ ƀlep hăm tơdrong juăt jue, tơpuh lê̆ dôm tơdrong ưh đei xơđơ̆ng lĕch đơ̆ng xơlam teh kơ teh đak.