Tơdrong Thủ tướng Phạm Minh Chính kŭm hăm kơdră chĕp kơ̆l dôm tĕh đak ASEAN vang truh Hop akŏm tih tơbăt 45 sơnăm pơjing tơdrong pơvei ASEAN-EU tôch gĭt kăl, tơƀôh hơdăh đon kơchăng, adrin păng vang tơgop tôch tơnăp đơ̆ng Việt Nam lơ̆m ASEAN kŭm nhen hăm tơpôl lơ̆m apŭng plenh tĕh, mă loi ƀât mă tơ̆ tơring păng lơ̆m apŭng plenh tĕh oei tơjră hăm lơ tơdrong krê hơmơt, pơlong nol ưh kơ ê nhen hrei ‘nâu.

‘Nâu jĭ ‘măng mă blŭng ASEAN păng EU pơgơ̆r Hop akŏm tih tơbăt pơjing tơdrong pơvei tơ̆ EU, hăm tơdrong vang akŏm đơ̆ng Kơdră chĕp kơ̆l dôm tĕh đak jang hơdoi. ‘Măng năm hơpong tơgop pơm pơ ‘lơ̆ng hlŏh dơ̆ng tơdrong pơvei, jang hơdoi gĭt kăl ASEAN-EU, tơdrong pơvei, jang hơdoi tôm tơdrong Việt Nam-EU păng tơdrong pơvei đơ̆ng Việt Nam hăm dôm tĕh đak EU, vang sek tơlang pơ ‘lơ̆ng dôm tơdrong ưh ‘lơ̆ng, tơhlăk tăk.