VOV4.Bahnar - Drâm kơ sơ̆ ‘năr 10/5, Thủ tướng Phạm Minh Chính kŭm hăm kơ dră chĕp kơ̆l dôm tĕh đak ASEAN vang năm truh Hop akŏm tih gĭt kăl tơ băt 45 sơ năm tơ drong pơ vei ASEAN - Mi.

Thủ tướng Phạm Minh Chính năm Hop akom tih gĭt kăl tơ băt 45 sơ năm pơ vei ASEAN - Mi

‘Nâu jĭ ‘măng năm bơ̆ jang tơ̆ tĕh đak đe mă blŭng đơ̆ng Thủ tướng Phạm Minh Chính ƀât mă Việt Nam hlôi găn đei tơ drong jĭ COVID-19 lơ̆m tĕh đak, sơ đơ̆ng jơ hngâm pơih dơ̆ng ‘măng, tơ lĕch trong jang atŏk tơ iung ming hrĕnh păng kơ jăp găh mŭk drăm tơ pôl, adrin mât jang hơ doi tôm tơ drong, đei yoa ‘lơ̆ng hăm apŭng plenh tĕh. 

‘Măng năm bơ̆ jang mă âu đơ̆ng Thủ tướng Phạm Minh Chính tôch gĭt kăl vă tơ lĕch trong jang tơ bôl đơ̆ng Đảng, tĕh đak; tơ ƀôh hơ dăh anih dơ̆ng păng hơ năp jang đơ̆ng Việt Nam lơ̆m ASEAN, pơm hơ tŏk anih dơ̆ng păng hơ năp jang tơm kơ ASEAN, tưk tơ iung tơ drong jang hơ doi đơ̆ng ASEAN hăm Mi, 1 tĕh đak jang hơ doi gĭt kăl kơ ASEAN.

Dơ̆ng: Tơ blơ̆