Xơnăm âu ki, tơdrong jang choh pơtăm hlôi đei jơnei lơ tơdrong kăp gĭt. Tơdrong jang choh pơtăm pơđĭ choh jang xa, jang găh bri, rong ka hơdang pơtoi vei xơđơ̆ng. Lơ̆m noh choh jang xa tŏk 3,36% pơtêng hăm khei năr âu xơnăm xơ̆; tĕch tơmam ăn teh đak đe jê̆ 7 trĭu tâ̆n phe păng lơ tơmam choh pơtăm tơm nai hăm kơsô̆ jên pơyua hloh 53 tih đôlar.

Pơma ăh hop akŏm, Thủ tướng pơkăl, xơnăm 2023, Anih tơm Choh jang xa păng Hơtŏk tơring tơrang păng tôm anih jang găh choh pơtăm, tơring tơrang athei lui ngeh, rơih dôm xơnong jang, trong jang rơgei hơtŏk. Lơ̆m noh, kăl hơtŏk pran jang hăm kơmăi kơmŏk, tơplih kơsô̆ păng iŏk yua khua hŏk kŏng ngê̆, kơmăi kơmŏk 'nao rơgei lơ̆m tơdrong jang choh pơtăm; hơtŏk choh jang xa hưuh kơ, choh jang xa rơgoh; hơtŏk kŏng ngĭp pơm jang ăn choh jang xa, pơm tơlĕch tơmam drăm; hơtŏk dôm anih tơguăt jang hadoi hăm tơring pơtơm tơmam drăm, kiơ̆ pơkăp jang hadoi hăm pơkăp 'măn tĕch lơ̆m teh đak păng tĕch ăn teh đak đe.