Tơ̆ jơ bơ̆ jang, Thủ tướng Phạm Minh Chính chih răk, pôk pơ ư, kơchĕng ‘lơ̆ng tơdrong adrin, dôm tơdrong iŏk đei đơ̆ng Ƀô đô̆i vei lăng tơring sơlam lơ̆m khei ‘năr âu ki; tơ̆ hơnăp kơnh, Thủ tướng athei, iŏk yoa ‘lơ̆ng dôm trong jang, tơiung pơjing, vei lăng tơring sơlam lơ̆m chăl hle, tơmât hơdai jơhngâm pran, khôi luơ̆t, tơdrong trŏ hăm jơhngâm pran đơ̆ng rim anih jang chinh trĭ, mă loi jĭ jơhngâm pran đơ̆ng kon pơlei, jơhngâm pran đơ̆ng đon rơgei, kon bơngai păng tơdrong jŏh ayŏ kơ dŏ xoang Việt Nam, kăl hlŏh jĭ jơhngâm pran, tơdrong jŏh ayŏ kơ dŏ xoang ‘lơ̆ng hơiă kơ kon pơlei kon kông tơ̆ tơring sơlam.

Bơ̆ jang ‘lơ̆ng trong jang "Yoa kon pơlei hiơt hơ kâu, yoa kon pơlei mă bơ̆ jang pơvih pơvăn", hơnơ̆ng oei xa hơdai hăm kon pơlei, vei kơjăp tơring, jang ‘lơ̆ng tơdrong krao hơvơn kon pơlei, adrin jang vang pơjing anih jang chinh trĭ tơ̆ tơring sơlam pran kơjăp, tơgŭm ăn kon pơlei jang tŏk muk drăm, tơpôl, sut pơđĭ pơngot, tơjur tơnuh hin, pơjing tơring tơrang ‘nao. Akŏm jơhngâm pơjing Đảng ƀô̆ Ƀô đô̆i vei lăng tơring sơlam rơgŏh ‘lơ̆ng, khul linh pran kơjăp tôm tơdrong.