Lơ̆m tơdrong chơt hơiă, nơ̆r hiơ hiĕk ơ ơ̆r tơ̆ dôm pơbŭng hnam oei oei ƀâu đak tơsơng, jơhngơ̆m đon sơng Thủ tướng đei ƀôh hiôk, ƀĕnh tơdrong ‘mêm. Apĭnh jet gia, pơma dơnuh hăm kon pơlei tơring oei hle plei Quảng Đức, Thủ tướng Phạm Minh Chính pôk pơ ư tơdrong kơchăng, khŏm jang đei đơ̆ng kơdră đảng, kơdră tơring dêh char Đắk Lắk lơ̆m hơmet pơ ‘lơ̆ng hiong răm đơ̆ng ‘mi kial pơrăm, tơlĕch jang pơjing tơring oei hle vei sơđơ̆ng hrĕnh păng ‘lơ̆ng.

Hơdai hăm pơma hơdăh, tơdrong jang đang tơring oei hle ưh khan lăp hơmet pơ ‘lơ̆ng ‘meh vă hơnih oei ƀơ̆t măt oei đei tơdrong ‘lơ̆ng đunh đai, pơm đei tơdrong ‘lơ̆ng vă kon pơlei sơđơ̆ng jơhngơ̆m jang sa, sơđơ̆ng bơ̆jang păng hơtŏk tơiung mŭk drăm kơjăp.