VOV4.Bahnar - Hơ nơ̆ng năm hơ pong, hmach thơ thou têt tơ̆ dêh char Thanh Hóa ƀlep ƀât Têt so kơ hơ drĕch hơ drung – Pơ yan Puih mak Nhâm Dần 2022, pơ gê 25/1, Thủ tướng Phạm Minh Chính păng khul jang đơ̆ng Trung ương truh hơ pong, hmach thơ thou têt, pơ ma nuh hăm bơ ngai jang lơ̆m Grŭp Hàm Rồng. ‘Nâu jĭ anih akŏm đei lơ kăn ƀô̆ kră jang kăch mang, kăn ƀôh tih kơ Đảng, khul kơ dră pơ gơ̆r, khul linh hlôi pơ dơ̆h hưu tơ̆ plt Thanh Hóa.

Thủ tướng athei dêh char Thanh Hóa hơ nơ̆ng pơ jing tơ drong ‘lơ̆ng ăn Grŭp bơ̆ jang roi đunh roi đei yoa, tơ iung tơ drong juăt “Đak krong Mã kơ tang nuih mơng”, tơ gop ăn tơ drong jang atŭm kơ dêh char, pơ jing dêh char Thanh Hóa roi đunh tŏk pran, jing dêh char ‘lơ̆ng hơ iă găh rim tơ drong, vang tơ gop pơ jing tĕh đak pran kơ tang, hơ nŭk hơ noa, kon pơ lei roi đunh roi phĭ tơ nŏ, hiôk chơt. Thủ tướng athei tơ̆ hơ năp dang ei, rim anih jang đảng, khul kơ dră pơ gơ̆r păng dôm anih jang kơ pal pơ ngơ̆t, hơ met têt mă ‘lơ̆ng ăn kon pơ lei păng bơ ngai jang sơng xa têt chơt hơ iă, sơ đơ̆ng, gơ̆h ‘mơ ‘met, ƀĕnh jơ hngâm đon ‘mêm băl.

Dơ̆ng: Tơ blơ̆