Pơma tơ̆ hơnăp khul kăn ƀô̆, thây kô pơtho, bơngai kiơ̆ hŏk, linh tơ̆ Hnam hŏk ki thuơ̆t khul linh, Thủ tướng Phạm Minh Chính tôch hơiă păng hưch hanh mưh truh ngôi tơ̆ Hnam hŏk ki thuơ̆t khul linh – hnam trưng đăi hŏk gĭt kăl kơ teh đak, Anih pơtho pơhrăm, tơchĕng hơlen khoa hŏk ki thuơ̆t tơm dơnơm kơ khul linh.

Hưch hanh, chơt hơiă hăm tơdrong juăt ‘lơ̆ng hơiă păng dôm ƀai hŏk kăp gĭt đei chih iŏk lơ̆m vă jê̆ 60 sơnăm pơjing păng jang tŏk, Thủ tướng hơpơi ‘mĕh păng lui tơ̆ hơnăp kơnh, Hnam hŏk ki thuơ̆t khul linh hơnơ̆ng tưk tơiung tơdrong juăt ‘lơ̆ng hơiă, adrin jang, iŏk đei lơ tơdrong jơnei hlŏh dơ̆ng, jang đang ‘lơ̆ng tơdrong jang đei pơjao, tơgop kŭm hăm đĭ đăng Đảng, đĭ đăng kon pơlei păng đĭ đăng khul linh bơ̆ jang đei jơnei ‘lơ̆ng tơdrong pơjing păng vei lăng teh đak lơ̆m chăl hle.