Thủ tướng lăng ‘lơ̆ng Đại học Quốc gia Malaysia hlôi kĭ hla ar jang hơdai hăm 2 Đại học tih hloh Việt Nam, pơih ăn tơdrong hơmĕng jang hơdai jrŭ să lơ̆m tơdrong jang pơtho pơhrăm đơ̆ng 2 teh đak; Tŭn pran roi tơƀôh tơmang lăng, tơgoăt hơdai joh ayŏ, hơtŏk loi dơ̆ng tơƀơ̆p pơma dơnuh đơ̆ng kon pơlei; Vei kơjăp pôm nơ̆r ƀơ̆r đon, hơnăp jang tơm đơ̆ng ASEAN păng pơvei tơdrong rơngei, sơđơ̆ng păng duk kơdâu, bơ̆jang hiôk hian tơ̆ Biển Đông.

Thủ tướng pơma hơdăh Việt Nam khŏm jang hơdai kơjăp hloh dơ̆ng hăm Malaysia lơ̆m pơtho pơhrăm păng rim tơdrong jang hơtŏk tơiung khoa hŏk kơmăy kơmŏk, tơplih ‘nao yua kơ tơdrong tơm atŭm, yak truh tơdrong hơtŏk tơiung kơjăp, hơnŭk hơnoa kơ 2 teh đak păng tơpôl ASEAN.