VOV4.Bahnar - Kơ sơ̆ 1/7, lơ̆m ‘măng năm bơ̆ jang tơ̆ Dak Lak, Thủ tướng Phạm Minh Chính năm ngôi, bơ̆ jang, pơ lung kăn ƀô̆, linh tơ̆ Anih chĕp kơ̆l pơ gơ̆r khul linh dêh char Dak Lak păng Công an dêh char Dak Lak. Pơ ma tơ̆ jơ bơ̆ jang, Thủ tướng athei Anih chĕp kơ̆l pơ gơ̆r khul linh dêh char Dak Lak hlôh vao, jang kiơ̆ ‘lơ̆ng tơ drong hơ găt Đảng chĕp kơ̆l pơ gơ̆r tôm tơ drong hăm khul linh kon pơ lei, pơm kiơ̆ ‘lơ̆ng tơ drong vei lăng đơ̆ng tĕh đak, vei kơ jăp tơ drong pơ vei hăm kon pơ lei.

Thủ tướng Phạm Minh Chính iung pơ ma lơ̆m jơ bơ̆ jang hăm Anih chĕp kơ̆l pơ gơ̆r khul linh dêh char Dak Lak

Kŭm hăm ‘nŏh, athei băt hơ dăh rim tơ drong vă roi tơ ƀôh ăn anih jang Đảng, khul kơ dră tơ ring, ưh gơ̆h lê̆ đei tơ drong ưh tom băt; hơ nơ̆ng kơ chăng tơ blăh tôch ai, vei kơ jăp tơ drong rơ ngei, pơm tơm kơ jăp ‘lơ̆ng kơ tĕh đak, vei lăng tơ drong đei yoa kơ tĕh đak, hơ drĕch hơ drung, kơ chăng năm truh tơ̆ rim tơ ring, jang kĕh rim tơ drong jang mă Đảng păng tĕh đak pơ jao. Thủ tướng athei anih jang đảng, khul kơ dră tơ ring hơ nơ̆ng tơ rĕk, pơ jing tơ drong ‘lơ̆ng ăn khul linh kon pơ lei, Công an kon pơ lei tơ̆ jơ̆p tơ ring bơ̆ jang ‘lơ̆ng tơ drong jang đei pơ jao.

Dơ̆ng: Tơ blơ̆