‘Măng năm ngôi tơ̆ Algeria đơ̆ng Thủ tướng Phạm Minh Chính mă âu tôch git kăl vă hơtŏk tơdrong pơvei jang hơdoi đơ̆ng 2 teh đak tŏk pran ‘lơ̆ng hlŏh dơ̆ng, pơih đei chăl jang hơdoi jrŭ xă păng hơbĕch hơbal.

‘Nâu jĭ jơnăr vă 2 păh pơma nuh, kĭ pơkăp dôm tơdrong drơ̆ng nơ̆r jang hơdoi ‘nao, mă loi găh dôm tơdrong mă Việt Nam păng Algeria đei lơ tơdrong ‘lơ̆ng, vă tơgŭm băl jang tŏk, nhen unh hơyuh, đak dâu, choh jang xa, sir iŏk tơmam lơ̆m teh, pơm tơlĕch tơmam xa păng jang kơmăy kơmŏk. Atŭm hăm ‘nŏh, tơdrong hơtŏk trong jang hơdoi găh mŭk drăm, pơgơ̆r dôm ‘măng pơma nuh găh tĕch mơdro păng dôm tơdrong jang hơdoi vă hơnhăk tơdrong pơvei Việt Nam - Algeria tŏk pran ‘lơ̆ng hlŏh dơ̆ng.