VOV4.Bahnar - Kơ sơ̆ 7/4, tơ̆ Anih jang kơ Khul kơ dră tĕh đak, Anih vei sơ đơ̆ng mang tĕh đak hop akŏm ‘măng mă 1, hăm tơ drong pơ gơ̆r đơ̆ng Thủ tướng Phạm Minh Chính, Kơ dră Anih jang. Pơ ma lơ̆m jơ hop akŏm, Thủ tướng Phạm Minh Chính ăn tơ băt, lơ̆m tĕh đak oei hơ tŏk hrĕnh tơ drong tơ plih kơ măy sô̆, pơ jing Khul kơ dră điên tư, năm truh khul kơ dră kơ sô̆, tơ pôl kơ sô̆, anih jang mŭk drăm kơ sô̆, kon pơ lei kơ sô̆.

Yoa thoi nŏh, athei hơ tŏk tơ drong vei lăng tĕh đak; hơ met pơ ‘lơ̆ng tơ drong chĕp kơ̆l pơ gơ̆r, drơ̆ng 1 nơ̆r đơ̆ng kơ pal jur tơ̆ hơ la; pơ tho ăn kon pơ lei, anih tĕch mơ dro vang jang; hơ tŏk kơ sư̆k jang kơ măy, jên hu, kon bơ ngai vă pơm ‘lơ̆ng vei sơ đơ̆ng mang, vă chih hơ dăh trong jang đơ̆ng Đảng, vei lăng tơ drong đei yoa kơ tĕh đak, hơ drĕch hơ drung, tơ drong đei yoa kơ kon pơ lei, anih tĕch mơ dro păng dôm khul grŭp đei ƀơm truh.

Tơ̆ hop akŏm âu, dôm bơ ngai jang lơ̆m Anih pơ gơ̆r vang tơ gop nơ̆r ăn tơ drong vei sơ đơ̆ng mang kơ tĕh đak khei ‘năr âu ki păng tơ dra hơ drol rim tơ drong tơ̆ hơ năp kơnh; tơ gop nơ̆r găh tơ drong jang sơ năm 2021 păng trong vă jang sơ năm 2022; 1,2 tơ drong tơm, gĭt kăl găh tơ dỏng vei sơ đơ̆ng mang tĕh đak.

Dơ̆ng: Tơ blơ̆