VOV4.Bahnar - Pơ gê 27/9, Thủ tướng Phạm Minh Chính pơ gơ̆r Hop akŏm trư̆k tuyê̆n hăm 8 tơ ring Tŏk bŏk păng Tây Nguyên găh tơ drong tơ jră hăm ‘mi kial kơ sô̆ 4. Pơ ma nơ̆r pơ tho lơ̆m hop akŏm, Thủ tướng Phạm Minh Chính pơ ma hơ dăh, kiơ̆ tơ drong tơ dra đơ̆ng dôm anih jang kơ pal, ‘mi kial kơ sô̆ 4 đei tôch hơ mơt, kial hơ bŭt, tak tôch jăng. Tơ dăh hơ met ‘lơ̆ng ‘nŏh mưh ‘mi kial tak truh ‘nŏh oei gơ̆h vei lăng sơ đơ̆ng ‘lơ̆ng đĕch.

Rup Hop akŏm

Dôm năr âu ki, lơ tơ ring hlôi pơ tho tơ ƀôh trong athei vă jê̆ 58 rơ bâu tŏ ƀato hăm dang 300.000 ‘nu bơ ngai jang yak veh hơ tăih kơ trong kial tơ hlu, chă anih kơ ‘nơp, chô̆ pơ kơ̆ng, dui hơ met tơ̆ anih sơ đơ̆ng 4.500 tŏ hơ drao rong ka hơ dang; tơ lĕch trong chông hlŏh 100.000 unh hnam hăm dang 400.000 ‘nu kon pơ lei lĕch đơ̆ng dôm tơ ring krê hơ mơt. Thủ tướng hôn bơ nê jơ hngâm đon jang tơ năp đơ̆ng dôm dêh char, plt, dôm bơ ngai jang lơ̆m Anih pơ gơ̆r. Thủ tướng athei anih pơ gơ̆r jang, dôm anih tơm, anih jang kơ pal, tơ ring tơ rang ưh gơ̆h lăng pơ hơi, hŭt đon kơ chăng hăm rim tơ drong.

VOV-Dơ̆ng: Tơ blơ̆