VOV4.Bahnar - Pơ gê 26/7, tơ̆ Anih jang kơ Khul kơ dră tĕh đak, Thủ tướng Phạm Minh Chính pơ gơ̆r hop akŏm Khul kơ dră tĕh đak găh tơ drong chih pơ jing khôi luơ̆t khei 7/2022 vă hơ len năng 4 kơ luơ̆t, 1 nơ̆r athei chih pơ jing luơ̆t păng 1 tơ drong tơ chơ̆t đơ̆ng Khul kơ dră tĕh đak.

Pơ ma ƀât blŭng hop akŏm, Thủ tướng Phạm Minh Chính pơ ma hơ dăh, tơ drong hơ met pơ ‘lơ̆ng trong pơ gơ̆r jĭ 1 lơ̆m 3 tơ drong jang tôch gĭt kăl. Thủ tướng athei hơ len năng đơ̆ng yăn âu vă chih tơ mât dơ̆ng, hơ met pơ kĕh, pơ yoa ăn tơ drong vei lăng, chĕp kơ̆l pơ gơ̆r ‘lơ̆ng ƀiơ̆. Dôm anih tơm, anih jang kơ pal tơ ring tơ rang hơ tŏk jơ hngâm ăn tơ drong jang ‘nâu yoa oei đei lơ tơ ring tam gan tơ rĕk truh.

Thủ tướng pơ jao ăn Anih tơm jang Tư phap đei nơ̆r pơ tho hơ tŏk kơ sư̆k ăn tơ drong chih pơ jing hla ar hơ găt luơ̆t; Anih tơm vei lăng jên hu tơ rĕk truh tơ drong ‘nâu. Jơ hop akŏm âu akŏm set hơ len 4 kơ luơ̆t đei Luơ̆t Vei lăng kơ kon pơ lei, Luơ̆t tang găn đe ôp jên (đei chih hơ met), Luơ̆t Vei lăng tơ drong đei yoa kơ bơ ngai răt tơ mam (đei chih hơ met), Luơ̆t pơ vih pơ văn, tĕch mơ dro hăm điên tư, jĭ dôm kơ luơ̆t tôch gĭt kăl hrei ‘nâu vă vei lăng tĕh đak roi kơ jăp, đei yoa ƀiơ̆, pơ jing tơ drong ‘lơ̆ng ăn kon pơ lei pơm kiơ̆ luơ̆t roi ‘lơ̆ng ƀiơ̆.

Dơ̆ng: Tơ blơ̆