VOV4.Bahnar - Tơ̆ Anih jang kơ Khul kơ dră tĕh đak, Thủ tướng Phạm Minh Chính, Kơ dră chĕp kơ̆l Anih pơ gơ̆r jang kơ tĕh đak tang găn jĭ COVID-19 ‘nao pơ gơ̆r hop akŏm mă 16, đei pơ gơ̆r trư̆k tuyê̆n đơ̆ng Anih jang kơ Khul kơ dră tĕh đak truh hăm 63 dêh char, plt găh Trung ương.

Pơ ma pơ tôch hop akŏm, Thủ tướng Phạm Minh Chính pơ ma truh tơ drong gĭt kăl đơ̆ng Hop akŏm Anih pơ gơ̆r jang tơ̆ hơ năp pơ rang jĭ ‘nao đơ̆ng jĭ COVID-19 oei tôch krê hơ mơt, đơ̆ng nŏh hơ len năng păng tơ lĕch dôm tơ drong vă jang, trong jang mă lăp tơ̆ hơ năp kơnh vă hơ nơ̆ng vei lăng tơ drong jĭ COVID-19 lơ̆m tĕh đak.

Pơ ma tơ băt tơ drong jĭ oei tôch krê hơ mơt, tơ pŏh ưh ê, ưh gơ̆h băt hơ drol, roi đei lơ pơ rang jĭ ‘nao, oei tơ drong sĭt kơ tang đơ̆ng vaccine ‘nŏh jur kiơ̆ khei ‘năr, Thủ tướng tĕh đak pơ ma hơ dăh ưh gơ̆h lăng pơ hơi, hŭt lê̆ đon kơ chăng. Bơ ngai chĕp kơ̆l Khul kơ dră tĕh đak pơ ma dơ̆ng: Tơ drong tơm đei tơ lĕch ‘nŏh ưh ăn jĭ hơ bŭh đei hơ lơ̆k dơ̆ng. Hơ tŏk hrĕnh hlŏh dơ̆ng tơ drong ƀet vaccine.

Dơ̆ng: Tơ blơ̆