VOV4.Bahnar - ‘Năr 5/7, tơ̆ Anih jang kơ Khul kơ dră tĕh đak, Thủ tướng Phạm Minh Chính hlôi pơ ma đam hăm điên thoăi hăm Thủ tướng Hàn Quốc Han Duck soo. Tơ̆ jơ pơ ma đam, 2 Thủ tướng drơ̆ng nơ̆r ăn 1,2 trong jang pơm hơ tŏk tơ drong pơ vei kơ 2 tĕh đak tơ̆ hơ năp kơnh, hơ nơ̆ng jang hơ doi kơ jăp, pơ gơ̆r ‘lơ̆ng dôm tơ drong jang vă tơ băt 30 sơ năm pơ jing tơ drong pơ vei jang tơ bôl sơ năm 2022; tơ lĕch jang ‘lơ̆ng trong jang hơ doi 2 pang păng lơ pang, tơ tă ăn anih tĕch mơ dro Hàn Quốc pơih xă tơ drong tơ mât jên jang tơ̆ Việt Nam.

Thủ tướng Phạm Minh Chính pơ ma đam hăm Thủ tướng Hàn Quốc

Pơ ma nuh găh tơ drong tơ̆ Biển Đông, 2 păh roi tơ băt ăn băl đon tơ chĕng vă vei kơ jăp tơ drong rơ ngei, vei lăng kơ jăp ‘lơ̆ng tơ drong sơ đơ̆ng tơ̆ trong đak dơ sĭ Biển Đông, sek tơ lang dôm tơ drong tơ gar băl kiơ̆ trong rơ ngei, pơm ‘lơ̆ng ăn tơ drong đei yoa kơ dôm tĕh đak lăp hăm khôi luơ̆t apŭng plenh tĕh, lơ̆m nŏh đei tơ drong Tơ chơ̆t đơ̆ng Liên hợp quốc găh Luơ̆t Đak dơ sĭ (UNCLOS) 1982.

Dơ̆ng: Tơ blơ̆