VOV4.Bahnar - Kơ sơ̆ ‘năr 19/4, Thủ tướng Phạm Minh Chính hlôi pơ ma dơ nuh hăm ƀok Om Birla, Kơ dră Hạ viện Ấn Độ ƀlep ƀơ̆t Kơ dră Hạ viện tŏk bŏk bơ̆ jang kiơ̆ ‘măng năm tơ mang truh tơ̆ Việt Nam. Thủ tướng Phạm Minh Chính pơ ma hơ dăh, Việt Nam ling lang hôn bơ nê, pơm tơ drong hiôk ăn dôm anih jang mơ dro sa Ấn Độ tŭn pran tơ mơ̆t jên jang găh pơ gang, anih jang kăl, kơ măy kơ mŏk pơm tơ lĕch, kơ măy kơ mŏk kơ tơ̆ng ang, kơ măy kơ mŏk sinh học, ŭnh hơ yuh rơ goh, choh jang sa kơ măy kơ mŏk ‘nao, tơ plih ‘nao hơ gei...

Thủ tướng Phạm Minh Chính pơ ma dơ nuh hăm Kơ dră  Hạ viện Ấn Độ

Thủ tướng athei 2 păh hơ nơ̆ng pơ vei dôm trong jang hơ dai, lơ̆m noh đei trong jang Anih jang 2 Khul kơ dră teh đak; pơ trŭt hloh dơ̆ng jang hơ dai khŭl linh - vei sơ đơ̆ng, joh ayŏ, tơ mang lăng, pơ am dơ nuh đơ̆ng kon pơ lei, pơ tho pơ hrăm, tơ plih kơ sô̆, tơ plih ŭnh hơ yuh, tơ jră hăm tŏ ‘mi kial tơ plih păng jang hơ dai đak dơ sĭ. Thủ tướng ‘meh vă Ấn Độ hơ nơ̆ng tơ gŭm, pơm tơ drong hiôk ăn kon pơ lei păng anih jang mơ dro sa Việt Nam arih sa, hŏk pơ hrăm, bơ̆ jang tơ̆ Ấn Độ. 

Thuem: Tơ blơ̆