VOV4.Bahnar - Ƀlep ƀơ̆t vang truh Hop akŏm tih gĭt kăl ASEAN - Mi, tơ mang păng bơ̆ jang tơ̆ Mi păng Liên hợp quốc, tơ̆ anih tơm Washington, D.C, Thủ tướng teh đak Phạm Minh Chính hlôi năm tơ mang păng đei ƀai pơ ma gĭt kăl găh trong jang tơ gŭm tơ̆ Anih tơ chĕng hơ len Tơ drong jang păng Apŭng plĕnh teh Mi. Lơ̆m ƀai pơ ma, Thủ tướng pơ ma hơ dăh, tơ drong tơ păt, đon lui păng jang tơ năp đei hơ năp jang gĭt kăl vă hơ met pơ ‘lơ̆ng dôm tơ drong tơ lĕch ăn hăm apŭng plĕnh teh hrei ‘nâu. Thủ tướng pơ ma hơ dăh, jĭ 1 teh đak hơ drin, đei jang tơ năp lơ̆m ASEAN păng tơ pôl apŭng plĕnh teh, Việt Nam ling lang hơ drin vang tơ gop lơ̆m pơ ma dơ nuh păng jang hơ dai, ling lang tơ gop hơ năp jang kơ chăng, ‘lơ̆ng, lăp hăm tơ drong kĕ jang păng anih dơ̆ng đơ̆ng kơ dih. Việt Nam ling lang ‘meh vă hơ tŏk loi dơ̆ng tơ drong pơ vei jang hơ dai hăm Mi kiơ̆ lơ̆m jơ hngơ̆m đon tơ păt, hơ nơ̆ng hơ met ming đon lui, hơ tŏk loi dơ̆ng hơ năp jang đơ̆ng pơ đĭ 2 păh, yua kơ tơ drong đei yua atŭm kơ kon pơ lei 2 teh đak, yua kơ tơ drong rơ ngei, jang hơ dai păng hơ tŏk tơ iung kơ tơ ring păng apŭng plĕnh teh. 

Thuem: Tơ blơ̆