Kơsơ̆ năr 19/10, tơ̆ Cần Thơ, Thủ tướng teh đak bơ̆n Phạm Minh Chính pơgơ̆r Hop akŏm gah tơdrong tơlĕch ming man jăl trong kơdou hrenh tơ̆ tơring Tơmăn đak krong Cửu Long. Dang ei lơ̆m tơring đei 5 tơdrong ming man hăm trong hơtaih hloh 200km hơmŏ gô keh đang ah sơnăm 2025 adoi trŏ nhen tơchơ̆t pơm jang, rim tơdrong tơnap tap, tơhlăk tơhlĭn đei pơklaih tơtom. Ƀar jăl trong Cao Lãnh - Lộ Tẻ păng Lộ Tẻ - Rạch Sỏi (hơtaih pơhlom 80km) gô keh đang lơ̆m khei 10 ou.

Rim anih jang tơm, rim tơring hlôi kơchăng asong tơmam ming man, keh đang tơdrong hrŭ 'mong iŏk teh ming man, asong anih oei xa 'nao. Thủ tướng pơgơ̆r, đơ̆ng dang ei truh hơtuch sơnăm athei hơdrin keh đang, phŏ noh hloh kơ tơchơ̆t ming man trong kơdou hrenh tơ̆ tơring Tơmăn đak krong Cửu Long, lăng ou jĭ “sơnong kơ plei nuih” păng sơnong jang hăm tơring teh. Rim tơdrong ming man athei pơm kiơ̆ kơjăp tơdrong pơkăp 'lơ̆ng, sơđơ̆ng păng vei rơgoh cham char, tơgop hơtŏk tơ-iung tenh, kơjăp sơđơ̆ng tơ̆ tơring Tơmăn đak rkong Cửu Long.