VOV4.Bahnar  – Năr 19/10, Thủ tươ̆ng Phạm Minh Chính hlôi pơgơ̆r Hop akŏm mă 2 kơ Jơnŭm pơgơ̆r Hơmet pơ 'lơ̆ng hanh chĭn kơ Jơnŭm pơgơ̆r teh đak.

Pơma ăh hop akŏm, Thủ tươ̆ng Phạm Minh Chính ră hơdăh, lơ̆m 9 khei kơ âu, tơdrong jang hơmet pơ 'lơ̆ng hanh chĭn hlôi đei tơlĕch jang hrơ̆p minh 'măng păng đei jơnei tơnăp găh tơdrong jang Tơlĕch tôm hơmet pơ 'lơ̆ng hanh chĭn kơ teh đak, tơgop kăp gĭt lơ̆m hơtŏk mŭk drăm tơpôl kơ teh đak. Mă lei, atŭm hăm dôm tơdrong đei jơnei, adoi oei đei dôm tơdrong tơjruh. Thủ tươ̆ng pơkăl rim bơngai jang lơ̆m Jơnŭm pơgơ̆r kăl xơkơ̆t hơdăh xơnong jang kơ po hăm tơdrong hơmet pơ 'lơ̆ng hanh chĭn kơ teh đak, kơ anih tơm, anih jang po; đơ̆ng noh, kăl jang hadoi kơjăp hăm dôm anih jang tơm, rim anih jang păng Anih vei lăng kon pơlei dôm dêh char, pơlei tơm mă Trung ương vei lăng lơ̆m tơdrong tơlĕch jang dôm xơnong jang đei pơjao, hơtŏk pran hơmet pơ 'lơ̆ng hanh chĭn lơ̆m dôm khei jê̆ đĭ xơnăm 2022, hăm trong jang 'nao, đei jơnei tơnăp tơdrong jang kơ Khul Kơpal teh đak "Tơguăt kơjăp, pơtrŏ hăm tơdrong đei ƀôh, xơđơ̆ng jơnei, hơmet hơtŏk".

VOV/Lan tơblơ̆