Hop akŏm đei pơgơ̆r kơtă tơ̆ Anih jang kơ Khul kơdră tĕh đak păng pơih pơdăh trư̆k tuyê̆n truh tơ̆ hlŏh 600 anih tơ̆ dôm xăh, phương, thĭ trơ̆n, apŭng, thĭ, dêh char, plt găh Trung ương. Tơ̆ hop akŏm, Thủ tướng athei hơlen năng, pơm hơdăh yoa kiơ oei đei tơdrong rôp yâu ka hơdang glăi luơ̆t, ưh đei roi tơbăt, ưh đei pơm kiơ̆ tơdrong hơ găt. Thủ tướng pơma hơdăh, bơ̆n jang tơdrong ‘nâu ‘nŏh yoa tơdrong đei yoa ăn tĕh đak bơ̆n, yoa tơdrong đei yoa kơ kon pơlei, păng yoa um ai ‘lơ̆ng hơiă kơ tĕh đak.

Pơma tơ̆ hop akŏm, Thủ tướng Phạm Minh Chính akhan, hop akŏm âu vă pơma truh dôm tơdrong ưh kơ lăp oei đei hơnơ̆ng lơ̆m 5 sơnăm ‘nâu. Sơnăm sơ̆, Thủ tướng tĕh đak hôp trư̆k tuyê̆n găh tơdrong ‘nâu, mă lei truh dang ei oei tam mă sek tơlang kĕh tơdrong ‘nâu ‘mơ̆i. Thủ tướng athei hơlen năng yoa kiơ, sek tơlang tơpăt rim tơdrong truh um, mă lăp, đei yoa, rơđăh rơđong, kơlih yoa kiơ dôm tĕh đak jŭm dăr jang đei.