Đơ̆ng minh teh đak đei kơsô̆ bơngai ƀet pơgang bơ̆ng jĭ kơđeh, Việt Nam hlôi tơplih dơh po, jing minh lơ̆m 6 teh đak đei kơsô̆ bơngai ƀet vaccine bơ̆ng jĭ lơ hloh lơ̆m kơpal teh.

Pơkăp pơtôch hop akŏm, Thủ tướng Phạm Minh Chính ră hơdăh, truh dang ei, bơ̆n hlôi kĕ tang găn pơrang jĭ Covid-19; tang măt ăn Khul kơpal teh đak, Thủ tướng hmach bơnê, xơkơ̆t kăp gĭt hăm tơdrong tơgop đơ̆ng Anih jang tơbôl vă pơkăp găh vaccine, tơgop kăp gĭt lơ̆m tơdrong tang găn păng tơjră pơrang jĭ.Thủ tướng ră hơdăh, khei năr truh, pơrang jĭ Covid-19 duh tam mă pơtôch, tơdrong tơxŭl tơxăl lơ̆m kơpal teh adoi oei đei. Bơ̆n ưh gơh pơhơi pơhŏ, pơtoi adrin tơjră pơrang jĭ, akŏm hơlen pơrang jĭ Covid-19 păng dôm tơdrong jĭ nai. Kơyuơ noh, bơ̆n athei pơtoi tơlĕch jang tơbôl vă pơkăp găh vaccine; răt đei vaccine duh nhen gơnơm đơ̆ng chă jang tơbôl. Thủ tướng ră hơdăh, athei hơtŏk pran pơtho găh kơmăi kơmŏk 'nao vă băt hơdăh găh trong pơm tơlĕch vaccine.