Kiơ̆ tơdrong tơproh trong jang đơ̆ng Anih vei lăng trong nơnăm Anih tơm Hà Nội truh sơnăm 2030 păng trong vă jang truh sơnăm 2050, trong gre treng tơring kơdrâm tơ̆ Anih tơm đei dang 410km. Tơdrong kăl đei jên jang đơ̆ng dang ei truh sơnăm 2030, hăm Hà Nội dang 15 ti USD. Tơ̆ plt Hồ Chí Minh, tơdrong hơmet ming trong tơproh jang atŭm truh sơnăm 2040, trong vă jang truh sơnăm 2060, trong gre treng đei 12 tŏ, kơjung dang 510km. Akŏm đĭ đăng jên tơmât jang truh sơnăm 2035 dang hlŏh 36 ti USD.

Pơma pơtôch hop akŏm, Thủ tướng Phạm Minh Chính athei lơ̆m khei ‘năr pơm trong athei đei đon tơchĕng rơgei ‘lơ̆ng, băt lăng hơtăih, đunh đai, hơnhăk ba tơdrong đei yoa ‘lơ̆ng. Thủ tướng athei Anih tơm vei lăng trong nơnăm, dôm anih tơm, anih jang kơpal păng Hà Nội, plt Hồ Chí Minh jang hơdoi hơmet pơ ‘lơ̆ng trong pơgơ̆r jang, tơdrong hơgăt, dôm tơdrong kăl đei ƀơm truh tơdrong atŏk tơiung trong gre treng tơ̆ tơring kơdrâm. Athei pơm trong gre treng tơring kơdrâm hăm kơmăy kơmŏk ‘nao, lăp hăm rim tơdrong đei tơ̆ Việt Nam; mong akŏm lơ jên vă pơm, đei hloi jên teh đak, jên đơ̆ng kon pơlei păng jên chă tŏk iŏk.