Pơtôch ‘măng hop akŏm, Thủ tướng Phạm Minh Chính hlôi tơblang hơdăh tơdrong apŭng plĕnh teh păng lơ̆m teh đak, hơdai hăm tơƀôh rơđăh dôm tơdrong oei đei, mơmat tat long nol. Thủ tướng athei, jang kiơ̆ Tơdrong tơchơ̆t Hop akŏm XIII đơ̆ng Đảng, tơdrong chĕp kơ̆l, pơgơ̆r, dôm tơdrong tơchơ̆t, Pơtôch đơ̆ng Trung ương, Kuôk hô̆i, Khŭl kơdră teh đak; pơm hơdăh ‘lơ̆ng dôm trong jang tơgŭm lơ̆m tơdrong jang, hơnăp jang đơ̆ng rim kơdră, rim anih jang, rim tơring.

 Hơnơ̆ng jang kiơ̆ tơdrong tơm vei kơjăp sơđơ̆ng mŭk drăm, vei lăng hơtŏk kơjă lơ, pơtrŭt jang tŏk, vei sơđơ̆ng dôm tơdrong hơtŏ băl tih đơ̆ng mŭk drăm. Mă loi ‘noh Thủ tướng athei, vei sơđơ̆ng ‘lơ̆ng dôm tơdrong jang pơtruh ăn Anih tơm Chĭnh trĭ, Ban Bí thư, Hop akŏm Trung ương. Vei kơjăp jơhngơ̆m đon pơgơ̆r, vei lăng jang kiơ̆ yan âu, tơroi tơdrong, tơmơ̆t yua trong jang tơgŭm tơtom, lăp.