Pơma tơ̆ ‘măng hop akŏm, kŭm hăm chih iŏk dôm nơ̆r tơgop đơ̆ng kơdră chĕp kơ̆l dôm anih tơm, anih jang păng tơblang hơdăh tơdrong, Thủ tướng Phạm Minh Chính akhan, tơ̆ hơnăp kơnh ‘noh jĭ năr Tết Dương lịch, Tết Nguyên đán păng pơyan lêh, ‘meh vă mơdro sa, tơmang lăng tŏk lơ, kŭm hăm khei ‘năr tơplih pơyan ưh kơ ê ‘noh jĭ tơdrong hiôk ăn kơ dôm tơdrong jĭ tơpoh lanh să, rŏ lăng pơm hơtŏk kơsô̆ jĭ, mă loi ‘noh jĭ hăm grŭp hơioh đei jơhngơ̆m ưh kơ gan pran păng bơngai kră đei tơdrong jĭ đơ̆ng hơdrol, ƀônh kơ ƀơm dôm tơdrong jĭ jăn...

Yua thoi noh, kăl hơnơ̆ng đei dôm trong jang vă tang găn jĭ vă rim kon pơlei đei sơng Tết sơđơ̆ng ‘lơ̆ng, pran jăng, hiôk chơt, ‘nă hal ngăl, ưh kơ đei bu hŭt lê̆ tơ̆ rŏng, kŭm hăm ‘noh pơtrŭt gom muh măt păng ôp ti tơ̆ dôm hơnih akŏm lơ bơngai, lêh.