Pơma đam tơ̆ hop akŏm, lơ bơngai tang măt hlôi pơma tơpăt, pơ 'lơ̆ng, hlôi đei lơ nơ̆r tơgop kăp gĭt, ƀenh kơ xơnong jang, tơnăp păng tơlĕch dôm tơdrong pơtruh nơ̆r hăm lơ trong jang trŏ ƀlep, trŏ hăm tơdrong đei ƀôh păng gơh jang.

Găh dôm xơnong jang, trong jang hơdăh Thủ tướng Phạm Minh Chính tơƀôh hơdăh 5 grŭp jang tơm lơ̆m noh ră hơdăh: Hơtŏk, pơdrơ̆ng đon kơchĕng găh tơdrong kăp gĭt kơ tơring kơdrâ̆m, xơnong jang, anih dơ̆ng kơ tơring kơdrâ̆m lơ̆m hơtŏk tơ iung atŭm. Đon kơchĕng pơgơ̆r atŭm noh athei pơdrơ̆ng đon kơchĕng lơ̆m jâ̆p teh đak, mă hăt noh tơ̆ dôm tơring păng anih jang đei tơrĕk găh tơdrong kăp gĭt lơ̆m pơm jang. Adrô̆ tơplih đon kơchĕng, băt hơdăh găh tơring kơdrâ̆m noh bơ̆n pơtơm đei đon lui, xơnong jang păng trong pơm jang tơnăp vă hơtŏk đei jơnei nhen 'meh vă. Thủ tướng lui ngeh hăm tơdrong pơkăp khŏm mă pơm jang kơjăp đơ̆ng tôm anih jang chĭn trĭ, dôm jăl jang, dôm anih jang păng tơdrong tơgŭm đơ̆ng bôl boăl apŭng plenh teh, lơ̆m khei năr truh, dôm tơring kơdrâ̆m Việt Nam gô đei tơdrong hơtŏk pran kơtang hloh.