Tơ̆ Hop akŏm, dôm bơngai tang măt mơ̆ng nơ̆r tơroi, păng tơlĕch lơ nơ̆r tơblang, hơlen năng dôm tơdrong hlôi jang đei, dôm tơdrong tam mă ‘lơ̆ng păng dôm tơdrong oei mơmat tat, tơhlăk tăk mưh bơ̆ jang păng pơma tơlĕch lơ trong jang, tơdrong vă jang vă pơgơ̆r bơ̆ jang đei yoa ‘lơ̆ng tơdrong roi tơbăt tơdrong tơgŭm đơ̆ng tĕh đak tơ̆ hơnăp kơnh.

Pơma tơ̆ hop akŏm, Thủ tướng Phạm Minh Chính athei, drơ̆ng nơ̆r hlôh vao hơ dăh tơdrong kăl, hơnăp jang, tơdrong kăp gĭt, jơ hngâm pran đơ̆ng bơ̆ jang roi tơbăt tơdrong tơgŭm đơ̆ng tĕh đak. Tơ drong pơjing, hơmet pơ ‘lơ̆ng tơdrong pơgơ̆r, trong tơgŭm găh roi tơbăt tơdrong tơgŭm đơ̆ng tĕh đak, ‘nŏh jĭ tơdrong jang tôch gĭt kăl vă vei lăng tĕh đak đơ̆ng dôm anih tơm, anih jang kơpal, tơring tơrang. Hơtŏk hơnăp jang đơ̆ng dôm anih jang kơpal lơ̆m tơdrong roi tơbăt tơdrong tơgŭm đơ̆ng tĕh đak, mă loi jĭ hăm bơngai chĕp kơ̆l. Kơchăng jang mă ‘lơ̆ng tơdrong roi tơbăt tơdrong tơgŭm lơ̆m tơdrong vei lăng đơ̆ng dôm anih tơm, anih jang kơpal păng tơring tơrang.